Golden Life Store nag-solo sa liderato

CEBU, Philippines – Mitarok sa ikaupat nilang sunod-sunod nga daog ang Golden Life Store pinaagi sa pagpilde sa N&A Steel, 91-90 aron temporaryong magsolo sa liderato sa 2010 Holy Family Basketball Club (HFBC) cagefest niadtong miaging gabii diha sa Mabolo Sports Complex.

Gidominar sa Golden Life Store ang unang duha ka kuwarter diin sila miposte og 55-38 nga labaw sa pagpangulo nila ni Johnny Bargamento ug Gio Mateo, apan napakyas sila sa pagpanalipod sa maong labaw sa third period maong nakasikit ang N&A Steel, 67-63 sa nahabiling 4:45 sa maong kuwarter.

Nakatabla ang N&A Steel, 84-all sa nahabiling sayes minutos sa duwa. Si Mark Alvin Diola miayag og 13 sa iyang 23 puntos sa final period aron buk-on ang panagtabla. Dali hinuon nga nakatubag sila si Bargamento ug Harris Migallos aron makuha ang dos puntos nga labaw sa 1:28 sa duwa. 

Ang duha ka free throws ni Bargamento sa katapusang 0.2 sa duwa maoy miselyo sa kadaugan.

Puntos Matag Usa

Golden Life Store (91) -  J. Bargamento 18, G. Mateo 15, H. Migallos 12, P. Adolfu 12, Tubeleja 12, R. Ortiz 8, G. Yap 4, A. Loquellano 2, R. Diola 2, M. Migallos 2, D. Opolintizema 2, R. Angob 2

N&A Steel (90) -  M. Diola 23, N. Diola, 18 V. Borces 10, F. Lepiten 10, M. Marquez 8, O. Aremecin 8, A. Roy 8, A. Diola 3, B. Carulasan 2 (BANAT NEWS)