Litigators, Paneros, Pecandela nagtabla sa IBP Mayor's Cup

CEBU, Philippines - Miugkat og daog ang Litigators ni skipper Flor Yosores batok sa Mt. Zion, 84-81, samtang ang Paneros ug ang Pecandela Law Firm mi-iskor sab og managlahing kadaugan sa 5th season sa Integrated Bar of the Philippines (IBP) 2010 Mayor’s Cup basketball tournament niadtong Domingo diha sa Capitol Parish gym sa dalan Escario, ning dakbayan.

Ang Paneros milubong sa Bros N Law nga gipangulohan ni Cebu City Mayor Mike Rama sa iskor nga 81-67, samtang ang Pecandela Law Firm mibuntog   sa Iron Eagles, 60-53.

Sa lain pang duwa, ang   defending champion Super Idols   midaog batok sa YLAC, 75-61 alang sa ilang 1-1 nga baraha.

Nagtabla ang iskor, 81-all sa katapusang 33 segundos ug nasakmit sa Litigators ang momentum human sa duha ka free throws ni Lito Ortiz, 83-81 alang sa labing una nilang labaw. Napun-an kini og usa ka free throw ni Edward Bauzon, 84-81 nga maoy miselyado sa kadaugan.

Si Bauzon maoy nangu sa Litigators sa iyang 21 puntos, samtang si Ortiz midugang og 13 puntos.

Ang walay daug-daog nga Mt. Zion (0-2)   gipangulohan ni Ferdie Riveral sa iyang 20 puntos ug si Benjo Macion miamot og 18 puntos.

Sa sayo pa, si Rowell Juban mibahog og 22 puntos aron pangulohan ang Paneros sa ilang yano nga kadaugan.

Sa laing bahin, si Sam Malazarte maoy nangu sa Pecandela sa iyang 16 puntos ug ang top center nga si Fermin Pepito maoy nangu sa Super Idols sa iya sab nga 22 puntos. 

Puntos Matag Usa

Unang duwa:

Paneros (81) - Juban 22, Ruaya 14, Pepito 10, Ordeniza 7, Balorio 7, Cabilte 6, Cagulada 6, Busi 5, Manching 4

Bros ‘N Law (67) - M. Rama 13, Limalima 10, E. Rama 9, Arabis 8, Pareja 8, Javelosa 7, N. Rama 2, Pascua 2, Quiban 2, Veralo 2, Seville 2, Rama 2

Ikaduhang duwa:

Litigators (84) - E. Bauzon 21, Ortiz 13, R. Bauson 11, Manus 11, Tambago 7, Feliciats 6, Bragat 5, Yosores 4, Sumampong 3, Yap 2

Mt. Zion (81) - Riveral 20, Macion 18, Presas 16, Pintor 11, Macabaya 10, Narido 5, Andal 4. – BANAT NEWS