Litigators mipilde sa Super Idols

CEBU, Philippines - Gipilde sa Litigators ni playing coach Atty. Flor Yosores ang defending champion Super Idols, 74-61 sa pagsugod sa 5th Integrated Bar of the Philippines (IBP) 2010 Mayor's Cup basketball tournament diha sa Capitol Parish gym sa dalan Escario, ning siyudad.  

 Sa sayo pa, ang Pañeros mibuntog sa Eagles sa iskor, 74-45.

Sa lain pang mga duwa, ang Young Lawyer’s Association of Cebu (YLAC) milubong sa Bros ‘N Law, 83-68, samtang ang Pecandela midaro sa Mt. Zion, 67-61.

 Ang tandem nilang Lito Ortiz ug  Richard Bauzon maoy yawi sa kadaugan sa Litigators nga adunay 17 ug 15 puntos matag usa.

Sa sayo pa, si Van Ligutan mitapos og 16 puntos ug si James Hupp miabuno og 14 puntos aron pangulohan ang YLAC pagpukan sa Bros N' Law.

Samtang sa laing bahin, sila si Francis Pepito ug Sam Malazarte adunay 10 puntos matag usa alang sa Pecandela. (BANATSPORTS)