Kinship temporaryong nag-una sa liderato sa SBC caging

CEBU, Philippines - Mirehistro sa ilang ikaduhang sunod-sunod nga daog ang Kinship human nila gipilde ang RMA Cargo, 120-117 sa nagpadayong aksiyon sa Phase 3 Camella Homes Sunday Basketball Club (SBC) tournament didto sa Villas Magallanes gym sa Sta. Lucia Property sa Lapu-Lapu City.

Si Orly Amores mipabuto'g 25 puntos, samtang sila si Roland Panaguiton ug Casquejo parehong mitimbre og 24 puntos alang sa Kinship nga temporaryo karong nag-una sa liderato bitbit ang 2-0 nga baraha.

Sila si Camacaylan ug Alfreche miariya og 30 puntos matag usa aron pangulohan ang RMA Cargo, kinsa wala gyud kakarga'g daog sud sa duha ka duwa.

Sa laing bahin, ang Rylle Trucking nakabangon human masugamak dihang ilang gidumbol ang Rollway Freighters sa iskor nga 99-98.

Ang Rylle Trucking ug Rollway Freighters parehong nagbitbit og 1-1 nga baraha.

Puntos Matag Usa

KINSHIP (120) - Amores 25, Casquejo 24, Panaguiton 24, Ompad 19, Delgado 8, Sanchez 8, Gilig 8, Dela Pieza 4

RMA (117) - Camacaylan 30, Alfeche 30, Ocampo 28, Cortes 21, Ocaña 4, Aropo 4

RYLLE TRUCKING (99) - Morata 30, Tabalok 16, Moral 10, Amodia 9, Añana 8, Casquejo 6, Palad 4, Oyanib 4, Brandiola 4, Rollon 4, Regner 2, Gallego 2

ROLLWAY FREIGHTERS (98) - Tarona 26, Risilla 16, Bustamante 14, Baguio 10, Berido 6, Casquejo 6, Dela Pieza 6, Abel 6, Albeos 4, Salinas 2, Ocon 2. – BANAT NEWS