Maningo kampiyon sa SIBA

CEBU, Philippines - Nakompleto ni team owner ug playing coach Kenneth Maningo ang iyang crucial three-point play sa nahabiling 17 segundos aron luwason ang Maningo squad batok sa Garces ug aron sab paghari sa San Isidro Basketball Association (SIBA) open tournament didto sa Brgy. San Isidro open court sa Talisay City.

Ang Garces mihulga sa katapusang higayon, 82-83, apan ang ilang paglaum nga masakmit ang daog kalit lang nahanaw dihang si Maningo naka-iskor og fastbreak ug gipakapinan pa'g usa ka foul shot.

Si kanhi CIT Wildcat Ramil Aniñon maoy nangulo sa Maningo sa iyang 27 puntos, samtang si Maningo mihipos og 25 puntos. 

Tulo ka players sa Garces ang mi-iskor og double figures sa pagpangulo ni Welbert Candol sa iyang 27 puntos. Si team manager Jason Garces miamot og 18 puntos, samtang si Eugene Abapo mitampo'g 16 puntos.

PUNTOS MATAG USA

Maningo Team (86) - Aniñon 27, Maningo 26, Zafra 6, Retuya 6, Aliponga 5, Comahig 5, Gentapa 2, Villa 2, Jao 2, Bacus 2, Ca-ang 2

Garces Team (82) - Candol 27, Garces 18, Abapo 16, Detuya 6, Delos Reyes 6, Cabuenas 4, Caballero 2, Detuya 2, Suico 1   (BANATNEWS)