Super Idols nag-una gihapon sa IBP tilt

CEBU, Philippines - Padayong nag-una sa   standing ang Super Idols ni playing coach Bong Pepito human nila gilubong ang Pañeros, 66-48 sa pagsugod sa second round sa Integrated Bar of the Philippines (IBP) basketball tournament didto sa Capitol Parish gym sa dalan Escario, ning dakbayan.

Sa sayo pa, ang Pecandela Law Firm mi-iskor og 59-57 nga come-from-behind nga kadaugan batok sa Young Lawyers Association of Cebu (YLAC), samtang ang Iron Eagles   milubong sa Yan C. Rico sa iskor nga 67-40.

Ang Super Idols maoy nagdominar sa duwa gikan sa pagsugod hangtod sa katapusan    dihang ilang gisugdan ang duwa pinaagi sa 21-9 sa ulahing bahin sa unang kuwarter. 

Si Fermin Pepito mibugha og 16 puntos aron pangulohan ang Super Idols, samtang si Benjo Santiago midugang og 12 puntos.

Sa laing bahin, si Francis Pepito maoy nahimong bayani sa duwa alang sa Pecandela human siya maka-iskor og undergoal stab gikan sa assist ni Sam Malazarte sa nahabiling dos segundos sa duwa.

Gawas sa iyang pagkamabayanihon, si Pepito mao sab ang topscorer pinaagi sa iyang 14 puntos, gisundan ni Tommy Yu nga adunay 12 puntos.Samtang si Van Ligutan maoy nangu sa YLAC sa iyang 13 puntos.

PUNTOS MATAG USA

Unang duwa:

Pecandela (59) - Pepito 14, Yu 12, Enad 10, Capoy 10, Malazarte 8, Avila 2, Dela Cerna 2, Tenefrancia 1

YLAC (57) - Ligutan 13, Guieb 11, Arnaiz 11, Sapayan 10, Adlawan 4, Napuli 2, ang 2, Berido 2, Villarin 2

Ikaduhang duwa:

Super Idols (66) - F. Pepito 16, Santiago 12, Garcia 10, Quijano 9, B. Pepito 6, Abayon 6, Ibones 6, Malig-on 3

Pañeros (48) - Aliño 12, Odeniza 10, Busi 8, Cabilte 6, Molde 4, Calipayan 2, Balorio 2, Mendoza 2, Pepito 2   (BANATNEWS)