SWU belles susukatan ng SSC spikers

MANILA, Philippines - Makikilatis ang lakas ng Vi­sayan team Southwestern University sa pagharap nito sa NCAA champion San Sebastian sa pagpapatuloy ng Shakey’s V-League Season 7 ngayon sa The Arena sa San Juan City.

Pinalakas ng SWU ang kani­lang kampanya sa pagkuha sa serbisyo ni Thai player Piyatada Lasungnern sa hangaring ma­do­mina ang ligang iprinisinta ng PLDT MyDSL at suportado ng Shakey’s Pizza.

Si Lasungnern ay dating na­tional player sa Thailand at nag­laro sa Asian Youth Girls Vol­leyball Tournament at sa World Youth Volleyball Championships.

Masusukat ang Thai import ng SWU na nagdodomina sa CE­SAFI, dahil ang Lady Stags ay binubuo naman ng mga ma­­titikas ding manlalaro sa pa­ngu­­n­guna ng nagbabalik na Thai import Bualee Jaroensri.

Magbabalik din sa koponan sina Joy Benito, Mari Pepito, Bon­sai Mirasol at guest player Suzanne Roces sa hangaring mag­kampeon uli na huling nang­yari sa pangalawang conference sa taong 2008.

Ang laro ay itinakda dakong alas-4 at mauuna munang mag­tagisan sa opening game ng ligang inorganisa ng Sports Vision at binigyan din ng ayuda ng Mikasa, Accel, at Mighty Bond ay ang dating kampeon Adam­son at Lyceum ganap na alas-2 ng hapon.

Sina dating MVP Nene Bautista, Pau Soriano, Jil Gustilo at Angela Benting ang mga ma­ngunguna sa Lady Falcons na sasagupain ang Lady Pirates na pinalakas ng pagdating ni Tip Santrong ng Thailand.

Si Santrong ay dati ring nag­laro sa national team ng Thai­land at inaasahang ang karanasan nito ay makakatulong upang maging palaban ang kanilang koponan.

Ang mananalong mga koponan ngayon ay makakasalo sa 1-0 karta na kasalukuyang ta­ngan ng Ateneo at UST.

Tinalo ng Lady Eagles ang St. Benilde, 25-12, 26-24, 25-19, habang isang 25-9, 25-13, 25-13, straight sets din ang kinalawit ng Lady Tigresses sa FEU na nangyari nitong Linggo.