Mondejar Chronicles: The Pacquiao Journey

MANILA, Philippines - Magbabalik tanaw ang legendary boxing manager at promoter na si Lito Mondejar sa kanyang personal na kaugnayan kay Manny “Pacman” Pacquiao, ang world’s best pound for pound fighter sa INSIDE RINGSIDE na lumalabas sa CAT Network channel 8 sa mga provincial cable stations sa kabuuan ng Luzon.

Ang “The Lito Mondejar Chronicles”ay isang special na bahagi ng programang “Inside Ringside” kung saan ilalahad at idedetalye ni Mondejar ang inside sto­ries ng pagsubaybay niya sa career ni Pacquiao. Buhat noong baguhan pa lang itong boksingero hanggang sa kasalukuyan.

Hanggang sa ngayon ay ginagabayan pa rin ni Mondejar si Pacquiao at ka­makailan ay galing si­ya sa Dallas, Texas para sa laban nito kontra kay Joshua Clottey.

“Maganda na rin itong pagkakataon na mai-kuwento ko ang aking karanasan kasama si Manny. Medyo may edad na tayo kaya kailangan ma-preserve,” aniya.

Ayon kay Mondejar, na siyang exclusive boxing pro­moter ng programang Blow By Blow sa CAT Network, ang kanyang pakikipag-usap kay Pacquiao mula noon ay magbibigay sa mga fans ng “insights” kung paano itong naging kampeon at napanatili ang katanyagan.