Fighting Maroons binitbit ni Manuel Sa final four

MANILA, Philippines - Sinandigan ng Fighting Maroons ang kabayanihan ni Vic Manuel sa final canto, habang nagtayo naman ng isang mala­king 31-point lead ang Cough Busters para sa kani-kanilang panalo.

Isang split at drive ni Manuel ang naging sandata ng Pharex B Complex upang igupo ang AddMix, 86-83, samantalang pinayukod naman ng Ascof Lagundi ang Fern-C, 83-71, sa 2010 PBL PG Flex-Erase Placenta Cup kahapon sa Ynares Sports Arena sa Pasig.

Inangkin ng Fighting Maroons ang una sa dalawang outright semifinals seat kung saan ang top two teams sa Final Four ang siyang magbibitbit ng ‘twice-to-beat’ incentive. 

“I’m very happy that we are now in the semifinals. We’ve got one foot now in the finals,” ani head coach Aboy Castro, nakakolekta ng 19 marka kay JR Tecson, 16 kay Manuel, tig-14 kina Woody Co at Marlon Adolfo at 10 kay Rob Lopez.

Ang isang freethrow ni Manuel ang nagbigay sa Fighting Maroons, nasa isang four-game winning streak ngayon, ng 84-83 abante kasunod ang kanyang salaksak para tuluyan nang talunin ang Transformers ni Leo Austria.

Umiskor si Gio Ciriacruz ng game-high 20 puntos para sa AddMix kasunod ang 14 ni Alain Maliksi.

Si Maliksi ang nagbigay sa Transformers ng pinakahuli nitong bentahe sa 83-78 sa 4:40 ng fourth quarter bago nakatabla ang Fighting Maroons sa 83-83 galing sa split ni Manuel.

Sinandalan naman ng Cough Busters ni Carlo Tan ang itinalang 31-point lead sa dulo ng third quarter upang tuluyan nang patalsikin ang Ferntastics ni Bal David.

Ang Fern-C ang ikalawang tropang nasibak sa torneo matapos ang Agri-FCA.

Pharex B 86--Tecson 19, Manuel 16, Adolfo 14, Co 14, Lopez 10, Braganza 5, Reyes 2, Sison 2, Arao 2, David 2, Reyes 0, Hipolito 0.

AddMix 83--Ciriacruz 20, Maliksi 14, Colina 9, Lozada 9, Canada 7, Cubo 6, Nuyles 5, Morial 3, Amparado 3, Galinato 3, Guillermo 2, Ynion 2, Alvarez 0

Quarterscores: 21-13, 44-46, 65-66, 86-83.

Ascof Lagundi 83--Asoro 19, Co 12, Aguilar 10, Gamalinda 8, Labalaga 8, Canlas 7, Melegrito 7, Leynes 6, Uyloan 4, Bustos 2

Fern-C 71-- Wilson 21, Maconocido 13, Co 9, Dizon 8, Espiritu 6, Walsham 5, Evangelista 4, Tanauan 3, Thiele 2, Semira 0.

Quarterscores: 21-11, 46-26, 73-44, 83-71.