Mayol payag sa rematch kay Romero
MANILA, Philippines - Kung si Filipino world light flyweight champion Rodel “Batang Mandaue” Mayol ang tatanungin, mas gusto niyang matapos ang kanilang laban ni Mexican challenger Omar Nino Romero mula sa isang knockout.
Payag si Mayol na muling makaharap si Romero sa pamamagitan ng rematch matapos mauwi sa technical draw ang kanilang upakan noong Linggo sa Coliseo Olimpico sa Guadalajara, Mexico.
“I want a rematch. I feel I could knock him out next time,” ani Mayol sa panayam ng Philboxing kahapon. “His punches are not that strong. I did not feel his power at all. I wanted to tire him out then try to KO him in the later rounds.”
Sa pag-awat ni referee Vic Draculich dahil sa ilang low blows ni Romero kay Mayol, isang left hook pa rin ang pinakawalan ng Mexican na nagpabagsak sa Filipino champion.
“I was in a lot of pain. I heard the referee shout, “Stop!” I faced sideways to avoid his punches. The referee wasn’t able to stop him when he delivered the left hook that hit me,” litanya ni Mayol.
Itinuring ni WBC vice president Mauricio Sulaiman na isang technical draw ang nasabing laban na nagpanatili sa pagsusuot ni Mayol ng World Boxing Council (WBC) light flyweight crown.
Sinabi naman ng manager ni Romero na si Hector Garcia na umarte lamang si Mayol upang mapanatiling suot ang kanyang WBC light flyweight belt.
Kasalukuyang dala ng 28-anyos na si Mayol ang kanyang 26-4-2 win-loss-draw ring record ngayon kasama ang 20 KOs kumpara sa 28-3-2 (11 KOs) card ng 33-anyos na si Romero. (RCadayona)
- Latest
- Trending
