Aqua Serv kampiyon sa GAA first conference

CEBU, Philippines - Gilumsan sa Aqua Serv Drinking Water ang Lai Garden ni playing coach Dr. Boy Te, 93-68 sa ilang knockout finals aron pagsakmit sa korona sa Guadalupe Athletic Association (GAA) Founder's Cup First Conference basketball tournament diha sa Guadalupe Sports Complex. 

Miduwa nga wala ang ilang court general Allan Ricaña, kinsa gioperahan sa iyang tuhod niadtong Domingo, ang mga batos   ni Te nahiagom sa labing ngil-ad nilang duwa sa GAA.

Ang Lai Garden, kinsa maoy kampiyon niadtong Disyembre batok gihapon sa Aqua Serv wala kaayo makapahimulos sa serbisyo ni Inting Reyes, kinsa igo lang nakahimo og career-low nga nuybe puntos.

Si Gerald Cainglet ang magulang ni commercial veteran   Alex Cainglet, maoy nangu sa Aqua Serv ni team owner Botsky Aniñon sa iyang 19 puntos, apan si Bagtong Miñoza maoy napiling MVP tungod sa iyang kamangtas sa undergoal.

Si Chito Hernandez mao sab ang nangu sa Lai Garden pinaagi sa iyang 18 puntos, samtang si Te mi-iskor lang og dos puntos.

Sa sangka sa ikatulong puwesto, si SWAN team manager Greg Bamba mipasulod sa iyang mahinungdanong free throws aron luwason ang iyang team gikan sa makutas nga kumbati   batok sa Evan Aulga Hardware sa iskor nga 79-76.

Si Bamba miposa og 21 puntos alang sa SWAN ni coach Chito Nabua ug si Tim Dinampo mihakot og 16 puntos, kadaghanan niini gikan sa second half.

Si Biboy Escuyos, kinsa mihimo’g 11 ka sunod-sunod nga puntos sa nanghinapos nga bahin sa fourth period dihang mihulga ang Aulga sa iskor nga 76-77 sa katapusang 30 segundos, mibugha og 23 puntos. 

PUNTOS MATAG USA

Unang duwa:

SWAN (79) - Bamba 23, Dinampo 16, Ibo 9, Buron 8, Tablada 6, Ragasajo 4, Reynes 3, Bacalla 2

Aulga (76) - Escuyos 23, Cabanilla 11, Gabisay 11, Condes 7, Carusca 6, Albia 6, A. Albia 4, Gabato 2, Biscocho 2

Ikaduhang duwa:

Aqua Serv (93) - Cainglet 19, B. Miñoza 11, Miñoza 10, Yap 9, Calizo 8, Aniñon 7, Tanejo 5, Sabalena 4, Cabrera 3, Warbol 3

Lai Garden (68) - Hernandez 18, Labra 14, Reyes 9, Monternel 8, Bacalla 8, Cuiozon 5, Leyson 2, Te 2   (BANATNEWS)