SRBC nakalingkawas

CEBU, Philippines - Gipakuratan sa San Remigio Beach Club ang Tuesday Club pinaagi sa paghimo og milagro aron pagposte og 80-78 nga kadaugan sa nagpadayong Benjamin Neri Borromeo (BNB) Memorial Cup basketball tournament diha sa Immanuel Bible College (IBC) sa Banawa, ning siyudad.

Nagsugod og pakita'g milagro ang San Remigio Beach Club sa nahabiling 1:07 sa final period aron mosaka sa kinatumyang bahin sa standings bitbitang 6-1 nga baraha,labaw lang og usa ka daog sa Apartelle Suites, kinsa mihipos og 6-2 nga baraha.

Ang Apartelle Suites midaog pinaagi sa forfeiture batok sa Capitol Basketball Association (CAPBAS), samtang ang Cebu Grand Hotel nga nahiagum sa ilang makauuwaw nga 75-127, nga kapildihan batok sa CAPBAS, mipahiluna sa ikatulong dapit sa ilang 4-4 win-loss record.

Bisan sa ilang kapakyasan, si ex-pro Teroy Albarillo mirehistro gihapon sa iyang tournament high nga 64 puntos, lakip na ang 17 ka triples.    (BANATNEWS)