Minglanilla, Liloan, Sta. Fe sud semis sa GUV Cup
CEBU, Philippines - Nakompleto na ang women's semifinal cast sa municipal cluster sa 5th Governor Gwen Garcia Unity Volleyball (GUV) Cup kagahapon diha sa Cebu International Convention Center (CICC) grounds sa Mandaue City.
Makig-uban sila sa defending champion Catmon ngadto sa sunod nga hugna sa kompetisyon nga duwaon ugma.
Ang Minglanilla mipukan sa Dalaguete, 25-17, 25-10 aron pag-angkon sa ikaduhang dapit sa bracket-A bitbit ang 4-1 win-loss record.
Sama sa Catmon, ang kanhi kampiyon Liloan miharos sab sa ilang lima ka duwa pinaagi sa pagpukan sa Tuburan, 25-17, 25-10 aron mag-una sa bracket-B.
Ang Sta. Fe miabante sa final four uban ang 4-1 record, apan gisigingsiging una kini sa wala pa tumbaha ang Barili sa ilang tinaktakay nga duwa, 20-25, 26-24, 25-14.
Sa crossover semis, ang Catmon moharong sa Sta. Fe, samtang ang Liloan mobatok sa Minglanilla.
Sa men's bracket, ang Liloan, Minglanilla ug Moalboal seguro na sa semifinal. – BANAT NEWS
- Latest
- Trending
