SFAA Christmas League buksan sab karong adlawa

CEBU, Philippines - Napulo ka teams ang mag-abot karon sa opening salvo sa Still Fighting Athletics Association (SFAA) 2009 Christmas basketball tournament diha sa Cebu Eastern College (CEC) open court sa dalan Dimasalang, ning siyudad.

Sugdan ang kalihukan pinaagi sa parada sa mga partisipanteng koponan ug sundan sa hamubong programa.

Si Cebu City Vice Mayor Michael L. Rama maoy pinasidunggang dinapit ug mamumulong.

Si SFAA chairman Tony Piloton maoy pormal nga mobukas sa torneyo.

Namugna ang torneyo pinaagi sa mga paningkamot ni Piloton sa abag ni vice chairman for basketball operation Dodong Edera, vice chairman on finance Roger Tan ug mga sakop nga sila si Nestor Kyamko, Bugoy Unabia, Fred Espina, Jimmy Bongon ug Bebot Batad.   (BANATNEWS)