USPF Panthers nag-wild

CEBU, Philippines - Padayong nagmangtas ang University of Southern Philippines Foundation (USPF) Panthers dihang mikulit kini sa ikatulo nilang sunod-sunod nga daog sa women's division sa 1st Sinulog Jiboren's Cup Volleyball Open niadtong Domingo diha sa Pasil Sports Complex.

Ang USPF ni coach Jordan Paca naka-eskapo batok sa University of the Visayas (UV) sud sa tulo ka sets, 26-24, 17-25, 25-10 ug ang naulahi nidaog pinaagi sa default batok sa Sawang Calero.

Sa men's division, ang USPF mikulit sab og duha ka daog sud lang sa usa ka adlaw alang sa ilang 2-1 nga baraha.

Ang Panthers mibuntog sa host Pasil, 25-10, 25-16 ug nasundan ang ilang daog pinaagi sa pagpukan sa 205th Technical Helicopter Wing (THW), 26-24, 25-12.   (BANATNEWS)