Torneyo sa pmoda 2nd confab sugdan karong gabhiona

CEBU, Philippines - Magbagat na usab ang pito ka mga banggi-itang teams nga gilangkuban og mga habal-habal drayber nga nagbiyahe-an sa Pulpogan, Consolacion atol sa pagbukas karong alas 8 sa gabii sa Pulpogan Motorcyle Owners and Drivers Association (PMODA) 2nd Conference karong gabii didto sa Pulpogan barangay hardcourt.

Ang pito ka teams mao ang Fooda Riders, Eskina, Alagad ni Ingkoy, Variety Extreme, Center, Bubble Gang ug Kaimito.

Ang PMODA gipasiugdahan sa miaging tuig nila ni Pulpogan barangay captain Roy Linaboc aron paghatag og kalingawan sa mga habal-habal drivers nga gustong moduwag basketball.

Gisuportahan kini sa ilang legal adviser nga si Pulpogan barangay councilor Arlene Tiongco ug manager sa Reliable Recruitment Agency.

Ang commisisoner sa maong torneyo mao si Jerry Narandan ug ang assistant mao si Roel Bangkal.

Pipila sa mga dagkong sponsors mao ang mga sakop sa Pulpogan barangay council ubos ni Capt. Linaboc ug mga barangay councilors nga sila si Ronie Azucenas, Alelu Flores ug Tiongco. - Gabby G. Malagar (BANAT NEWS)