CBM mikabkab og 13-15-9 medal tally
CEBU, Philippines - Gitapos sa Cebu Blue Marlins Swimming Club ang ilang kampanya pinaagi sa paghipos og 13 golds, 15 silvers ug siyam ka bronzes sa 2009 G-League Short Course Swimming Championships kagahapon didto sa Trace Aquatic Center sa Los Baños, Laguna.
Si Anthony Linn Navarro sa Cebu Eastern College (CEC) mikabkab og laing duha ka bulawan sa boys 11-under class pinaagi sa 200m individual medley ug SA 200m backstroke. Mihakot sab siya og bronze sa 1,500m freestyle.
Ang igsuon ni Anthony Linn nga si Lyh Ann, midugang og silver sa girls 10-under 50m butterfly.
Sa laing bahin, si Paula Abigail Vega sa University of Cebu (UC) ug Pierre Niño Baguio ug SI Michael Ichiro Kong sa FBC Christian School mitunol og laing bulawan sa Cebu.
Si Kong miayag og bulawan pinaagi sa 10-under 50m butterfly ug silver sa 200m individual medley, samtang si Vega nidugang og silver sa 18-above 800m freestyle ug 200m backstroke.
Lain pang midaog og medalya alang sa Cebu City kagahapon mao sila si Noel Cañeda nga mitiltil og silver ug bronze ug si Daniele Ballesteros nga nakadaginot og silver.
=======
- Latest
- Trending
