CHEDA mobanat karon didto sa GenSan

CEBU, Philippines - Sugdan na sa Cebu City Hall Employees Darts Association (CHEDA)-Cebu City Niños ang ilang kampanya alang sa P5-million Manny Pacquiao International Darts Classic karong adlawa didto sa Lagao gym sa General Santos City.

Gisuportahan ni Mayor Tomas Osmeña ug vice mayor Michael Rama, ang CHEDA moparada og 11 ka players nga pangulohan ni Bert Colong Jr.

Uban ni Colong mao sila si Angelito Badayos, Wenie Ocanada , Joe Marie Yap, Jun Bacalso, Arnulfo Apurado, Alan Veloso, Jerous Ponce, Jomar Amerol ug Marlito Patunob.

Laing tang-ang Cebuano darter nga si Roy Laude ug si William Encorporado mangindahay sab ning upat ka adlaw nga kompetisyon.

Gawas nga motambong sa kalihukan, ang event sponsor ug People's champ nga si Manny Pacquiao mopakita sab sa iyang abilidad sa darts. – BANAT NEWS