MRD, 5-0 na's VECO cagefest
CEBU, Philippines - Ang team MRD ni playing coach Botsky Aninon milubong sa Copper, 95-80 alang sa ilang ikalimang sunod-sunod nga kadaugan sa 3rd Contractor’s Cup 2009 diha sa VECO open court sa dalan D. Jakosalem, ning siyudad.
Sa maong kadaugan, ang MRD temporaryo karong nagsolo sa liderato sa ilang 5-0 nga baraha, samtang ang Copper nakatilaw sa labing una nilang pilde sud sa lima ka duwa.
Human miposte og nipis nga labaw, 23-21 sa opening period, ang MRD padayong nikontrolar sa duwa hangtod na ngadto sa third period ug hinay-hinay nga mipahungaw sa ilang kainit sa fourth period aron pagposte og 15 puntos nga kadaugan.
Si Erly Medel mihipos og 20 puntos aron pangulohan ang MRD, samtang sila si Rowel Sumalinog ug Cesar Alcordo miamot og 14 puntos matag usa.
Si Marlou Gocotano mao sab ang nangulo sa Copper pinaagi sa iyang 27 puntos, gisundan ni Lito Navarro nga adunay 18 puntos ug Dennis Tamarra sa iyang 10 puntos.
Puntos Matag Usa
MRD (95) - Medel 20, Sumalinog 14, Alcordo 14, Aninon 12, Borres 11, Laborte 10, Espinosa 8, Beltran 4, Ybañez 2
Copper (80) - Gocotano 27, Navarro 18, Tamarra 10, Luranilla 8, Caballero 7, Rojas 4, Gallardo 2, Quinit 2, Batua 2. – BANAT NEWS
- Latest
- Trending
