1st Choy Aznar Skimfest gibuksan

CEBU, Philippines - Gibuksan na kagahapon ang labing unang Choy Aznar Skimfest kagahapon didto sa Aznar Beach, sa Brgy. Poblacion sa dakbayan sa Talisay.

Kapin sa 80 ka mga partisipante gikan sa Tanuan Leyte, Argao, Liloan, Lapu-Lapu, Pook, Banilad, Poblacion Talisay, Minglanilla, Talamban ug Lawaan ang magtigi karon alang sa titulo men ug women's divisions.

Si Poblacion barangay councilor Richard Francis 'Choy' Aznar, usa sa mga tigpasiugda sa maong torneyo nagkanayon nga usa sa tan-awon sa maong kompetisyon mao ang kanindot sa moves ug tricks nga ipakita sa mga skimboarders.

Karong adlawa himuon ang final round ug sundan sa awarding ug reggae party.

Ganting salapi ang nagpaabot sa mga mananaog diin ang kampiyon mobulsa og   P3,000, ang second placer makadawat og P2,000 ug ang third placer makaangkon og P1,000. – BANAT NEWS