Taguig, Quezon miluglog sa ilang kaatbang

CEBU, Philippines - Giluglog sa Forward Taguig ug Quezon Red Oilers ang ilang tagsa-tagsa ka kaatbang sa pagsugod sa Smart Liga Pilipinas Conference III Mandaue City leg niadtong Miyerkules sa gabii diha sa Mandaue City Sports and Cultural Complex.

Ang Red Oilers ni Gov. Raffy Nantes ug coach Oliver Bunyi milubong sa host Cebu Landmaster-Mandaue ni Joe Soberano ug coach Jun Tan sa iskor nga 79-66.

Si Angelus Raymundo, ang MVP sa General Santos City Leg, maoy nangulo sa kadaugan pinaagi sa iyang 15 puntos uban ang siyam ka rebounds. Nakakuha sab siya og maayong suporta gikan ni Ramsey Williams, kinsa mirehistro og 12 puntos ug tulo ka assists.

Ang pilderong Landmasters gipangulohan sab ni John Paul Alcaraz nga mibugha og 14 puntos ug adunay upat ka assists, gisundan ni Jerome Cenita nga adunay 13 puntos.

Sa pasiunang duwa, ang Taguig ni Mayor Freddie Tinga ug coach Bing Victoria yano sab kaayong milubong sa Zamboanga Uno Latinos ni coach Ronald Rico sa iskor nga 112-85.

Puntos Matag Usa

Unang duwa;

Taguig (112) – Sanders 18, Gatumbato 18, Reguera 17, Leynes 16, Kiram 9, Walsham 8, Sta. Cruz 8, de Castro 6, Marquez 6, Moody 4, Longno 2

Zamboanga (85) – Bolias 22, Concepcion 21, Orera 14, Merced 12, Tajonera 8, Amirulhadz 8

Ikaduhang duwa:

Quezon (79) – Raymundo 15, Willaims 12, Canizares 11, Palaganas 10, Pinera 6, Suguitan 4, Labagala 4, Dedicatoria 4, Orias 3, Chua 2, Reyes 2, Panzo 2, Cacha 2, Macanig 2

Mandaue (66) – Alcaraz 14, Cenita 13, Bautista 8, Aguilar 7, Solis 6, Mercado 4, Bucao 3, Tangkay 3, Latonio 2, Berame 2, Aquino 2, Gabas 2. – BANAT NEWS