Boljoon naghari sa women's cluster II-A GUV Cup
CEBU, Philippines - Walay paghubas ang kainit nga gipabuhagay sa four-time cluster champion Boljoon batok sa kaatbang aron paghari sa women's cluster II-A sa 5th Governor Gwen Garcia Unity Volleyball (GUV) Cup niadtong Domingo didto sa Bojoon Sports Complex.
Nadepensahan sa Boljoon belles ang ilang korona pinaagi sa pagharos sa lima ka duwa. Una nilang gibiktima ang Oslob,25-11,25-12 luyo sa dalaygong mga salida nilang Roselle Hernane, Mitch Marzon, Merdiza Medalla, Irene Pepino ug Rose Ann Deliña.
Ang Boljoon mimakmak sab sa Santander, 25-7, 25-10 sa wala pa paludha ang Ginatilan, 28-26, 25-11.
Nakasugat og lig-on nga kontra ang Boljoon nga mao ang Malabuyoc, apan nakaipsot human sa tulo ka sets, 25-16, 18-25, 25-20. Gitapos sa Boljoon ni
coach Marjorie Perez ang ilang misyon pinaagi sa pagpukan sa Samboan, 25-16, 25-16.
Ang 5th GUV Cup padayonon karong Sabado didto sa Alegria alang sa Cluster II-B diin unom ka teams sa men ug women's divisions ang magsangka.
Ang over-all winner sa women's division mohagit sa Boljoon alang sa Cluster-II championship. (BANATNEWS)
- Latest
- Trending
