Dumlog midaog

CEBU, Philippines - Milampos ang defending champion Dumlog sa pagpukan sa Lawaan 3, 78-67 sa quarterfinals sa SK Division sa 2009 Talisay Mayor’s Cup   Inter-barangay basketball tournament niadtong miaging gabii diha sa Talisay Sports Complex.

Si Jan Brian Gabica mipabuto og 23 puntos, gisundan ni Jake Emeroon Diamante nga miamot og 13 puntos, samtang sila si Allan Dave Del Rosario ug Harold Dave Racaza miabuno og 10 puntos matag usa.

Sa ilang bahin, si Jim Russell Bacus miposte og 19 puntos ug sila si Albert Lastimosa ug Charjayjun Paraiso mitira og 11 puntos matag usa alang sa pilderong Lawaan 3.

Sa laing aksiyon, ang Poblacion 1 milubong sa Mohon sa iskor nga 79-59.

Si Nikko Villaver maoy topscorer alang sa Poblacion 1 pinaagi sa iyang 12, gisundan nila ni Kim Labajo ug Chardick Colegado nga mipupo og nuybe puntos matag usa. 

PUNTOS MATAG USA

Unang duwa:

Dumlog (78) – Gabaca 23, Diamante 13, Del Rosario 10, Sotto 10, Gabaca 6, Racaza 5, Gutierrez 5, Dela Calzada 3, Fajardo 1

Lawaan 3 (67) – Bacus 19, Lastimosa 11, Paraiso 11, Barliso 9, Tiabas 5, Eresdisno 4, Jongoy 4, Granado 2, Israel 2

Ikaduhang duwa:

Poblacion (79) – N. Villaver 12, K. Labajo 9, Paghasian 6, C. Villaver 6, Villoria 6, Hernando 6, Capala 6, Lazaga 6, Lariosa 6, R. Labajo 2

Mohon (59) - Geraldez 22, Rivera 14, Bas 14, Rafols 4, Nieves 3, Nebria 2   (BANATNEWS)