4th Dancesport sa Sugbu himuon na karong gabii

CEBU, Philippines - Morampa na ang mga dancesport competitors gikan sa 14 ka nasud sa kalibotan sa ipahigayong 4th Dancesport sa Sugbu ug 2009 Cebu IDSF World Dancesport Open Latin and Standard karong gabii diha sa Waterfront Cebu City Hotel and Casino Grand Ballroom sa barangay Lahug, ning siyudad.

Mga dance athletes sa nagkalain-laing nasyonalidad ang mokiay sa Latin ug Standard dances. Ang Latin dances naglakip sa Chacha, Samba, Rumba, Paso Doble ug Jive, samtang ang Standard dances mao ang Slow Waltz Tango, Vienese Waltz, Foxtrot ug QuickStep.

Ang maong kalihukan bukas sa foreign ug local tourists, dance athletes, enthusiasts, supporters, kapamilya ug mga higala gikan sa Philippines, Asia-Pacific region, Europe, United States ug Canada.

Mga foreigners gikan sa Russia, Germany, Bulgaria, Slovenia, United Kingdom, Hong Kong, Singapore, Malaysia, Japan, Vietnam, Myanmar, Brunei, China ug local tourists gikan sa Metro Manila, Tacurong City, General Santos City, Dumaguete City, Davao City, Cagayan de Oro City, Zamboanga City ug Samar, Leyte ang sayong nipadayag sa ilang partisipasyon ning maong kompetisyon nga gipaluyohan sa Cebu City Government, Waterfront Cebu City Hotel, M. Lhuillier Kwarta Padala, Department of Tourism, Philippine Sports Commission, PAGCOR, Cebu City Sports Center, Port Seafood Restaurant, Panasonic, Sulpicio Lines, Living Asia, Wealth Channel.tv, Business Mirror, Alegre Beach Resort and Spa ug French Baker. – BANAT NEWS