5th GUV Cup buksan na
CEBU, Philippines - Pormal na nga buksan ang 5th Governor Gwen Garcia Unity Volleyball (GUV) Cup for men and women diha sa Mandaue City Cultural and Sports Complex.
Wala maghandom ang organizing Cebu Volleyball Association (CEVA) nga torneyo nakadani og 30 ka entrante sa men's division.
'It’s a dream come true. CEVA did not expect that it would reach this far with the addition of the men’s category. We were really happy to muster that number of teams considering that this is the first time that we are including the men," matud pa ni CEVA president Glenn Anthony Soco.
Dili momenos 25 ka lungsod ug dakbayan ang mipadala og teams sa duha ka dibisyon.
Apan ang Balamban, Pinamungajan, Tabogon, Tudela ug Consolacion ang dili mopakita'g aksiyon ning tuiga tungod sa mga daghang rason.
Ang Lapu-Lapu mokumbati aron modepensa sa ilang titulo sa City Cluster ug ingon man ang Catmon sa Municipal Cluster.
Sa dili pa ang duwa, adunay ipahigayon nga tradisyonal nga parada sa mga partisipanteng koponan sa alas-9 sa buntag.
Si Governor Gwendolyn 'Gwen' F. Garcia maoy mangulo sa mga dinapit nga motambong sa maong kalihukan.
Sa season-opener, ang Dalaguete moharong sa Minglanilla sa men's Cluster I bracket, samtang ang ilang women counterparts magsangka sa ikaduhang duwa. – BANAT NEWS
- Latest
- Trending
