Khan hilaw pa para harapin si Pacquiao

MANILA, Philippines - Kasama si WBA champion Amir Khan sa kinonsiderang makalaban ng world’s No. 1 pound for pound fighter na si Manny Pacquiao.

Ngunit hindi pumayag ang pamilya ni Khan dahil para sa kanila masyado pang maaga ang laban na ito sa kanyang career ayon sa telegraph.co.uk. “

“Before we had signed with Cotto (for the Nov 14 fight in Las Vegas) Amir’s name was on the table, we offered him the fight, but his father, and his family felt it was too early in his career,” pahayag ng promoter na si Bob Arum sa The Daily Telegraph.

Si Freddie Roach din ang trainer ni Khan at ilan beses na rin silang nagka-sparring ni Pacman sa wild card gym.

Base sa paglalarawan ni Roach sa sparring ng dalawa, nakatutok ang wild card gym kapag nagi-sparring ang dalawang fighters. Kaya hindi na rin nalalayo si Khan at sinasabing kakayanin ni Khan ang hamon.

“It’s like putting a light to firewood, or watching two cocks fighting. They both have killer speed, which is what sets them apart,” ani Roach. “For three rounds, it is really fast. And in speed, Amir probably has the edge on Manny. After Manny, I really believe that Amir Khan is my next superstar,” dagdag ni Roach, na nakalikha na ng 23 world champions.

Bagamat marami ang magdududa sa kakayahan ni Khan sinabi ni Arum na darating ang araw na maghaharap ang dalawa.

Samantala, sinabi ng advisor ni Manny Pacquiao na si Michael Koncz na hindi niya kailangang magsalita sa media ukol sa mga akusasyon sa kanya at mas gusto niyang pag-usapan na lamang ito si loob ng Team Pacquiao.

“If there are any internal issues the appropriate and way to handle same is to discuss it privately within team Pacquiao and not through media,” ayon sa email ni Koncz sa examiner.com.

Sunud-sunod ang mga isyung ibinato kay Koncz nang diumanoy sinabi niyang isang trainer lamang si Freddie Roach kaya’t hindi dapat idaan ni Pacquiao ang kanyang mga desisyon sa kanya.

Lantarang ipinahayag ni Roach ang kanyang pagkadismaya dahil hindi pinapakausap sa kanya ang kanyang alaga na hanggang ngayon ay hindi pa nakakapagsimula ng training para sa kanyang laban kay Miguel Angel Cotto sa November 14. (Mae Balbuena)