Carolinians mag-ribal karong adlawa

CEBU, Philippines - Mag-unay ang Carolinians alang sa gubat sa playoff sa 1st BTC Cup 12-under category karong adlawa.

Ang Sacred Heart School-Jesuit (SHS-J) may duha sab ka teams sa 10-under class ug magsangka sa usa'g-usa alang sa lingkoranan sa kampiyonato ning 2009 edition sa Thirsty Hoop Jams.

Ang University of San Carlos North 1 ug USC South 3 maoy top seeds sa 12-under sa ilang tagsa-tagsa ka dibisyon sa eliminasyon nga natapos niadtong miaging semana.

Ang USC North 1 maoy nag-una sa Division-A, samtang ang USC North 3 ang nag-una sa Division-B.

Sama sa Blue Eagles, ila sab nga harungon ang managsuong koponan alang sa pasaporte sa kampiyonato ning maong torneyo nga gipaluyohan sa Dimsum Break ug Nike Athletic Club. - Yoyo R. Abayan (BANAT NEWS)