Kontra ni Viloria matumba sa round 5

CEBU, Philippines - Napanglantawan ni WBA superflyweight champion Nonito Donaire Jr. nga si Brian

'The Hawaiian Punch' Viloria magkinahanglan lang og lima ka rounds aron iyang matumba ang Mexican challenger nga si Jesus Aribe sa ilang sangka karong Domingo didto sa Honolulu, Hawaii.

Daku ang pagtuo ni Donaire nga ipagawas ni Viloria ang tanan niyang kusog aron iyang mapukan si Aribe. 

Masaligon sab si Donaire nga dili maglisud si Viloria sa labing una niyang pagdepensa sa IBF flyweight title ug iyang mahatagan og laing dungog ang Pilipinas.

Si Viloria daan nang mibahad nga seguradohon gyud niya nga modaog pinaagi sa knockout aron iyang ipamatuod sa iyang mga kababayan nga hari siya sa IBF flyweight division.

Si Viloria nipatikangkang ni kanhi kampiyon Ulises Solis sa oras nga 2:56 sa round 11 aron langkaton ang bakus niadtong Abril 19 didto sa Araneta Coliseum.

Sa laing bahin, gibutyag usab ni Donaire nga posibleng ang WBA super flyweight champion nga si Nubuo Nashiro ang sunod niyang ikasangka karong Disyembre 12, sa higayon magdumili sa pag-away sila si Jorge Arce ug Fernando Montiel. -BANAT NEWS