Ang "Golden Girl" dili lalaki

CEBU, Philippines - Human ideklarar isip “golden girl” ang South African runner nga bag-ong kampiyon sa 800-meter nga si Caster Semenya, gisalikway lang sa iyang pamilya ang mga pangutana kalabot sa iyang pagkatawo o gender.

Ang tanang mga dagkung newspapers didto sa South Africa nagpublikar sa front pages sa hulagway sa madaugong si Semenya kinsa maoy nakakuha sa labing maayong record karong tuiga sa iyang usa ka minuto ug 55.45 segundos nga lumba sa dagan human ipahibalo sa athletics governing body nga ila pang sutaon ang tinuoray nga pagkatawo ni Semenya.

“She is my little girl. I raised her and I have never doubted her gender. She is a woman and I can repeat that a million times,” matud pa sa iyang amahan nga si Jacob Semenya kinsa mitug-an didto sa usa ka inilang tabloid Sowetan nga nag-ila sab sa maong runner nga “Our Golden Girl”.

“For the first time South Africans have someone to be proud of and detractors are already shouting wolf. It is unfair. I wish they would leave my daughter alone.”

Ang 80 anyos nga apohang babaye ni Semenya nga si Maphuthi Sekgala mitug-an sa The Times nga si Semenya nga usa nagtungha sa first year sa kursong sports science, dugay rang gisigehan og biaybiay tungod sa iyang dagway nga murag lalaki ug siya lang sab maoy bugtong babaye sa ilang local soccer team.

“(The controversy) doesn’t bother me that much because I know she’s a woman — I raised her myself,” matud pa ni Sekgala didto sa usa ka rural village sa amihanang Limpopo province sa South Africa.

Midugang siya pag-ingon “She called me after (the heats) and told me that they think she’s a man. What can I do when they call her a man, when she’s really not a man? It is God who made her look that way.”

Ang kanhi principal ni Semenya sa high school mibutyag ngadto sa Afrikaans broadsheet Beeld nga ang top runner makigduwa batok sa mga lalaki, malingaw og soccer ug magsul-ob og karsonselyo didto sa eskwelahan.

“I first realized that she was a girl in Grade 11,” matud pa sa iyang apohan samtang iyang gipasabot nga si Semenya mibarug uban sa mga babaye pagbahin na dihang gibahin na ang klase alang sa usa ka lumba diin gilain ang mga babaye ngadto sa mga lalaki.

Wala hiilhi si Semenya pipila ka semana ang milabay ug ang tabloid nga Beeld naghulagway sa iyang lugar nga natawhan uban sa iyang apohang babaye hangtod nagtungha siya sa high school ug nagtubo nga walay kuryente ug tubig ang ilang gipuy-an.

Ang coach ni Semenya nga si Michael Seme igo lang mikatawa sa maong pasangil ug nagkanayon nga ang atleta kanunay mangutana kaniya kung babaye ba siya o lalaki samtang nag-ensayo pa siya.

“Then she has to explain that she can’t help the fact that her voice is so gruff and that she really is a girl. The remarkable thing is that Caster remains completely calm and never loses her dignity when she is questioned about her gender,” butyag ni Seme ngadto sa usa ka newspaper.

Si Semenya kanunay lang biay-biayon ug gani, matud pa ni Seme, daw sa nasuko na si Semenya dihang ang ubang tawo dili na gusto nga pagamiton siya sa ladies restroom.

“Then Caster said: ‘Do you want me to pull down my pants that you can see. Those same people came to her later and said they were extremely sorry.” - Gabby G. Malagar (BANAT NEWS)