Yayoy's Grill padayon mihaon og daog sa USCBHABA

CEBU, Philippines - Padayon nga miluto og daog ang Yayoy's Grill and Resto Bar pinaagi sa pagpukan sa Batch 2004 sa iskor 66-56 sa 2009 University of San Carlos Boys High Alumni Basketball Association (USCBHABA) Atan Guardo Barkadahan Cup Second Conference diha sa USC-North Campus gym.

Sila si Jori Perez, Rocky Alcoseba ug Ruiz nagkumboya og 62 puntos alang sa Yayoy's Grill, kinsa mihaon og 8-1 nga baraha.

Ang Yayoy's Grill maoy nikontrolar sa duwa human miabante og otso puntos, 19-11 paghuman sa unang 10 minutos sa duwa.

Mihulga ang Batch 2004 sa third period sa iskor nga 46-50, apan ang Yayoy's Grill mipauwan sa ilang opensiba aron pag-inat sa labaw ngadto na sa double figures.

Ang 2009 USCBHABA season gipaluyohan sab sa Uniherb Philippines, usa sa nag-unang health companies sa nasud nga tiggama sa nabantog nga food supplements sama sa Arthro, Heartvit, Kidneycare, Diabet, Eyeberry, Athan, Hardman ug Slima.

Puntos Matag Usa

Yayoy’s Grill (66) - Perez 22, Alcoseba 21, Ruiz 19, Ynclino 2, Bulang 2

Batch 2004 (56) - Real 21, Datan 14, Saballa 10, Andone 6, Ompad 2, Bernado 2, Amomompon 1. – BANAT NEWS