Athan, Diabet mihipos og daog sa Guardo Cup

CEBU, Philippines – Parehong nagbitbit og daog ang Athan ug ang Diabet human gipilde ang ilang tagsa-tagsa ka kaatbang sa University of San Carlos Boys High Alumni Basketball Association (USCBHABA) Atan Guardo Barkadahan Cup Second Conference didto sa USC North campus gym.

Ang Athan mipahungaw sa ilang kainit sa ikatulong kuwarter aron pakgangon ang 3L Caterers sa iskor nga 83-72, samtang ang Diabet nakalingkawas sa kulbahinam nga duwa batok sa Igot Trucking sa iskor nga 80-78.

Ang Athan naalkanse og otso puntos paghuman sa unang 10 minutos sa duwa, 16-24, apan milusad og 30-12 nga rally sa third period aron ilogon ang labaw, 67-54 sa katapusang 10 minutos sa duwa. Ang 3L Caterers wala na makabawi sukad nailog sa Athan ang momentum.

Sa sayo pa, ang Diabet nakabaton og otso puntos nga bentaha sa halftime sa iskor nga 42-34. Bisan pa sa ilang labaw, wala kini mahimutang sa maong aksiyon kay ang Igot Trucking walay hunong nga midiskarga sa ilang opensiba, apan ang Diabet padayon nga miratsada hangtod nga ilang naangkon ang dos puntos nga kadaugan.

Ang 2009 USCBHABA season gipaluyohan sab sa Uniherb Philippines, usa sa nag-unang health companies sa nasud nga tiggama sa nabantog nga food supplements sama sa Arthro, Kidneycare, Diabet, Heartvit, Eyeberry, Athan, Slima ug Hardman.

Puntos Matag Usa

Unang duwa:

Athan (83) - Olvidio 29, De Leon 20, Alcover 16, Pagador 9, Inocencio 4, Alo 2, Del Rosario 1

3L Caterers (72) - Consunji 38, Lim 13, Marcon 10, Lapena 9, Borces 2

Ikaduhang duwa:

Diabet (80) - Relampagos 27, Cabrera 17, Velayo 15, Lu 11, Gantuangco 8, Casas 2

Igot Trucking (78) - Saballa 29, Datan 10, Igad 10, Flores 8, Adone 6, Peras 6, Real 5, Ompad 4 – BANAT NEWS