Alberto's Pizza mihaon og 6-0 nga baraha

CEBU, Philippines – Mihaon sa ilang ikaunom ka sunod-sunod nga kadaugan ang Alberto's Pizza pinaagi sa paglubong sa i828 sa iskor, 87-70 sa 5th Lucky Tableware Regulars Basketball Tournament didto sa Visayan Glass gym sa barangay Guadalupe, ning siyudad.

Bitbit ang walay tatsang 6-0 nga baraha, ang Alberto's Pizza segurado na nga makapasilong sa semifinal ning torneyo nga gipaluyohan sa Bianca Marketing.

Ang Alberto's Pizza milabaw og 15 puntos paghuman sa unang 10 minutos sa duwa, 25-10.

Bugtong nahimo sa i828 mao ang pagkitkit sa makalumos nga labaw ngadto na lang sa singko puntos sa halftime, 32-37, kay ang Alberto's Pizza mitak-ang og mainitong rally sa third quarter aron patubuon og balik ang ilang labaw paghuman sa maong kuwarter, 73-51.

Sa sayo pa, ang Phat Thursday Resto Bar milampurnas sa Cebu Doctor's University (CDU) Reapers sa iskor nga 60-54.

Ang Phat Thursday mikolapso human miposte og makabungog nga 23 puntos sa halftime, 44-21, apan nakarekober kini ug ilang napukan ang CDU Reapers.

Puntos Matag Usa

Unang duwa:

Phat Thursday (60) - Pancho 21, Valiente 12, Arcilla 10, J. Ceniza 7, Orosio 5, Viliran 5

CDU Reapers (54) - DJ 12, Gabuya 11, Martin 8, Alden 7, Alfie 4, Vercuiel 3, Corominas 3, Empaces 3, Keith 2

Ikaduhang duwa:

Alberto’s Pizza (87) - Villagonzalo 22, M. Grogaard 19, H. Grogaard 14, Toledo 8, Alvarez 6, Tandan 5, Chua 5, Bero 4, Dee Dee 4

i828 (70) - Maglinte 21, J. Gaid 20, Arsua 14, Gaid 8, Lazaga 7 – BANAT NEWS