Piloto andam mosakmit sa korona

CEBU, Philippines – Misaad og usa ka impresibong kadaugan ang Sugbuanong si Engie ‘The Destroyer’ Piloto sa Yaw-Yan Cebu Ardigma, kinsa mosuway pagsakmit sa URCC Visayas featherweight crown batok ni 2007 Southeast Asian (SEA) Games wushu gold medallist Mark Ediva sa Lakay Wushu sa Baguio sa Colt 45 Universal Reality Combat Championship Cebu IV: Proving Grounds karong gabii diha sa International Convention Center (CICC).

“I will defeat him (Ediva) to the best of my ability. It’s either in a stand-up fight or via ground and pound,” matud pa ni Piloto, kansang abilidad gibaid ni Yaw-Yan Cebu Ardigma founder Master Benigno ‘Ekin’ R. Caniga, Jr.

Sa supporting main event, ang Canadian nga si Sabah ‘The Persian Warrior’ Fadai makigdumog sab batok sa walay pildeng si Andrew Benibe sa Maics Gym.

Atubangon sab ni Si Leo “Sandman” Gaerlan sa Yaw Yaw Musang ang Muay Thai champion Leonard “The One” Delarmino sa Capanay MMA stable alang sa URCCVisayas bantamweight title.

Sa iyang bahin, si Leo ‘The Sandman’ Gaerlan sa Yaw-Yan Musang-Cebu makiglayog ni Muay Thai champion Leonard ‘The One’ Delarmino sa Capanay MMA Stable sa Iloilo alang sa URCC Visayas bantamweight title.

 Mokompleto sa undercard mao ang away nila ni Maxilito ‘The Hyper Eagle’ Yung sa Yaw-Yan Musang batok ni Alvin ‘The Heat’ Amistoso sa Mifis Tudo Judo alang sa URCC Visayas flyweight crown, samtang si Demetrio ‘The Standard’ Delatore sa CMAC moharong ni Philip ‘The Stinger’ Delarmino sa Capanay MMA Stable alang sa URCC Visayas pinweight title.

Sukdon sab sa Briton nga si Tom ‘The Hawk’ Woodfin ang abilidad ni Richie Redman sa Capanay MMA Stable sa lightweight division, si Jimmy ‘The Silencer’ Yabo sa Sel Def nisaad og usa ka knock-out batok ni Albert ‘The Boss’ Sumido, samtang si Jonomar ‘Naruto’ Macaraya makigsangka batok ni Agustin ‘The Demolisher’ Delarmino.

Sa bantamweight category, si Geronimo ‘The Dare Devil’ Etac sa Yaw-Yan Musang naglaraw nga mopahamtang ni Jenifer ‘The Finisher’ Biocales og unang kapildihan. – BANAT NEWS