Poblacion-C milangkat korona sa Inter-Zonal

CEBU, Philippines – Gidauban sa Poblacion-C nga gipaluyohan sa Petron ang Firebulls, 87-81 sa tinaktakay nga Game-3 aron paglangkat sa korona sa Inter-Zonal division sa Mayor Edsel Galeos Cup 2009 summer basketball tournament didto sa Diosdado Macapagal Sports and Cultural Center didto sa lungsod sa Argao, Cebu.

Sikit kaayo ang duwa sa unang-tulo ka kuwarter hangtod nga ang Poblacion-C ni coach Kokoy Escalante mipatuman og hugot nga depensa aron pagposte og singko puntos nga bentaha sa fourth period, 67-62.

Si Leo Matarlo maoy topscorer sa Poblacion-C sa iyang 21 puntos, gisundan ni Cris Pillaso nga adunay 16 puntos.

Si Ronnie Salazar mao sab ang nangulo sa Firebulls nga miduslit og 31 puntos.

Si Bobby Lopez sa Poblacion-C maoy napiling MVP ug maoy nag-una sa Mythical Five uban nilang Ranelo Mamalias, Puerto, Salazar ug Crodua.

Sa laing bahin, ang University of the Visayas (UV) Green Lancers nidaog sa exhibition game batok sa CCC-CSD Builders sa iskor nga 98-86.

Puntos Matag Usa

Poblacion-C (87) - Matarlo 21, Pillaso 16, J. Puerto 15, Crodua 12, Lopez 11, Saniel 6, Tapere 4, Vega 2

Firebulls (81) - R. Salazar 31, M. Puerto 15, Camello 10, d. Salazar 9, T. Mamalias 6, R. Mamalias 5, Alberio 5 – BANAT NEWS