Rollyr Boyz, Kuya Allan midaog sa FYA caging

CEBU, Philippines - Mikulit na sab og laing daog ang Rollyr Boyz ni team owner ug Punta Princesa barangay captain Rolly Diorico human ilang gipukan ang Grandeur, 96-82, samtang gihimong sumsoman sa Kuya Allan quintet ang Park ‘N Go Bakeshop, 88-84 atol sa nagpadayong F. Llamas Youth Association (FYA) 1st Vice Mayor Mike Rama Cup didto sa Vicente Sotto Memorial gym sa barangay Punta Princesa, ning dakbayan.
Tungod sa maong kadaugan, ang Rollyr Boyz mao na karon ang naghupot sa liderato sa Dark bracket sa ilang 5-1 nga baraha.

Sila si Dexter Caballero, Daniel Enriquez ug Chissar Llegunas mibugha og 22 puntos matag usa aron pangulohan ang Rollyr Boyz.

 Ang team owner Grandeur Liboon mi-iskor sab og 22 puntos sa ilang kapildihan.

Sa sayo pa, nagmangtas sab si Noel Medalle, kinsa miburak og 21 puntos aron pangulohan ang Kuya Allan, kinsa nagtangag og 3-2 nga baraha.

 Si Ranel Patalita  maoy topscorer sa Kuya Allan pinaagi sa iyang 18 puntos.

 Si Carl Rama miposa og 30 puntos alang sa pilderong Park ‘N Go Bakeshop nga mitiurok na ngadto sa 0-5 nga baraha.

Ang FYA gipaluyohan sab ni Punta Princesa brgy. councilor Ray Gabriel Salgado ug ni tournament chairman Boy Atillo.

Puntos Matag Usa

Unang duwa:

Kuya Allan (88) - Medalle 21, Patalita 18, Marqueda 14, Reubal 10, Quita 9, Lastimosa 4, Canceko 4, Solon 2, Joedon 2
Park ‘N Go (84) - C. Rama 30, Bas 18, Camacho 10, Escalona 8, Enriquez 6, Rama 6, Añasco 4

Ikaduhang duwa:

Rollyr Boyz (96) - Caballero 22, D. Enriquez 22, Llegunas 22, Basalo 9, Dela Cerna 8, J. Enriquez 4, E. Marata 3, T. Marata 3, Lantaca 2

Grandeur (82) - Liboon 22, Tundag 10, Sabalande 10, Navaja 8, Lanojan 7, Cadungog 7, Dacayana 6, Tabar 4. - Gabby G. Malagar (BANAT NEWS)