Sawang Calero caging gibuksan na

CEBU, Philippines – Kinse ang mopakita sa ilang tinagoang abilidad sa Barangay Sawang Calero basketball tournament 2009 nga bag-o lang gibuksan didto sa San Nicolas Sports Complex, ning siyudad.

Gisugdan ang liga pinaagi sa usa ka parada diha sa Brgy. Sawang Calero.

Nitambong sa opening ceremony mao sila si City Councilors Hon. Joey Daluz ug Hon. Councilor Richie Osmeña.

Ang liga gibahin ngadto sa duha ka division -- junior ug senior divisions.

Ang juniors division gilangkuban og unom ka teams nga mao ang Marc Jeffrey, FTD, Jets, L.A Shark, Strollers ug Devil

Squad, kinsa maoy nakadaog isip “best in uniform.” 

Samtang ang seniors division giapilan og walo teams ug kini mao ang Peace and Order, Niño James, Allijah/Das-J, Danger, BLT-18 Days, Strollers, Queen ug Figuroa Sta.Cruz.

Ang maong liga gipasiugdahan nila ni Sawang Calero barangay councilors Paulito delos Reyes, Sydney Tabucal ug Litoy Echivarre uban sa suporta ni Brgy. Capt. Benjamin Zabate. – BANAT NEWS