Roble Shipping kampiyon na

CEBU, Philippines – Gipukan sa Roble Shipping ni George Uy ang karibal nga Unilink Shipping nga gitimonan ni Paul Quiñanola, 95-87 sa tinaktakay nga duwa sa ilang “best-of-three” final series aron pagsakmit sa korona sa Sunriser/Powerball Friendship Cup 2009 didto sa CEC gym.

Ang Unilink Shipping luyo sa mga paningkamot nilang Louie Navarro ug Albert Anado mikontrolar sa unang-tulo ka kuwarter ug ila pa nga gilubong   ang Roble Shipping og 15 puntos sa iskor nga 75-60 pagsugod sa fourth quarter. 

Apan ang Roble Shipping sa giya nilang Jingjing Rama milusad og 35-12 nga rally sa katapusang 10 minutos sa duwa aron mapukan ang Unilink Shipping.

Si John Carpio maoy nangulo sa Roble Shipping nga miariya og 39 puntos, gisundan ni Theogene Lim sa iyang 15 puntos. Si Gary Maquilan miamot og 13 puntos, si Jingjing Rama mitampo og 11 puntos lakip na ang iyang tulo ka triples, samtang si George Uy miabuno og 10 puntos.

Si Navarro mao sab ang nangulo sa Unilink Shipping pinaagi sa iyang 23 puntos, gisundan ni Albert Anado nga adunay 19 puntos.

Puntos Matag Usa

Roble Shipping (95) - Carpio 30, Lim 15, Maquilan 13, Rama 11, Uy 10, Gabatan 8, Abellon 3, Sestoso 3, Aberia 2

Unilink Shipping (87) - Navarro 23, Anadon 19, Gerali 10, Garcia 10, Adarna 5, Baclay 5, Tabasa 5, Quiñanola 5, Seno 2, Petallar 2 - BANAT NEWS