Argao nakabuling baraha sa Oslob sa Galeos Cup

CEBU, Philippines – Ang host Argao team mipahamtang sa labing unang kapildihan sa Oslob pinaagi sa pag-iskor og 116-106 nga kadaugan

Wala maglangay og panahon ug sayong gidabodabohan sa Argao

ang Oslob aron magsukarap kini sa ilang 21 puntos

nga biya, 17-38 ug wala

nila buwagi ang ilang

double-digit nga labaw hangtod nahuman ang

duwa.

Sila si Mike Escalante ug James Bonachita maoy mitimon sa Argao nga nagkumboya og 45 puntos. Si Escalante miposa og 25 puntos, samtang si Bonachita adunay 20 puntos.

Tulo sa ilang teammates ang mi-iskor og double figures nga naglakip ni Janjan Cahilig sa iyang 17 puntos, Aaron Buena sa iyang 14 puntos ug Tyrone Birondo sa iyang 11 puntos.

Sama sa naandan, sila si At-at Ranolo ug Junrey Soriano maoy nangulo sa opensa sa Oslob nga parehong mibahog og 24 puntos.

Sa Inter-Zonal match, ang Tulic-Lamac sa Argao, midaog batok sa Mountain Eagles sa iskor nga 77-71, ang Poblacion-C nga gipaluyohan sa Petron, mimakmak sa Cavaliers sa iskor nga 84-76 alang sa ilang ikaduhang daog.

PUNTOS MATAG USA

Unang duwa:

Lamacan (77) - T. Sarmago 19, Goc-ong 17, Chavez 11, Allawan 9, Mier 8, Comaling 3, M. Sarmago 2, Panerio 2, Davis 2, Tundag 2, Saquilon 2

Mountain Eagles (71) - Temple 23, Aballe 18, Torreliza 8, Caminse 5, diaz 5, Betonta 4, Jorge 2, Bautido 2, Alforque 2,

Ikaduhang duwa:

Argao (116) - Escalante 25, Bonachita 20, Cahilig 17, Buena 14, Getalaga 13, Birondo 11, Boltiador 10, Tapere 4, Rubin 2

Oslob (106) - Ranolo 24, Soriano 24, Singson 19, Lastimosa 17, Benologa 16, Balansag 6 – THE FREEMAN