Eryangs, Riverside miantog og daog

CEBU, Philippines - Miantog og daog ang Eryangs ug Riverside sa inter-sitio division sa Poblacion Oriental Basketball Tournament didto sa Sitio Riverside open court sa Poblacion Oriental sa Consolacion.

Mihirit og daog ang Eryangs human maka-ikyas gikan sa mga kamot sa Crossing sa iskor nga 83-80, samtang ang Riverside yano kaayong mi-iskor og daog pinaagi sa paglubong sa Villa Con sa iskor nga 95-78.

Ang managsuong Malagar nga sila si Landie, Louie, Elbert, Larry ug Lemuel maoy nangulo sa kadaugan sa Eryangs nga nagkumboya og 67 puntos.

Ang kalihukan kabahin sa sports development program ni Consolacion Vice Mayor Ember V. Alinsug.

Gipadagan kini ni commissioner Norbert Cejas, uban ni Poblacion Oriental barangay councilor Paul Alelu Q. Flores nga magsilbeng tournament coordinator.

Si Flores maoy sinaligan kaniadto sa Far Eastern University (FEU) Tamaraws sa panahon sa iyang pagduwa sa UAAP.

Puntos Matag Usa

Unang duwa:

Eryangs (83) - Landie Malagar, 18, Louie Malagar 15, Elbert Malagar 13, Larry Malagar 11, Lemuel Malagar 10, Pepito 5, Itbucan 5, Maloloy-on 2

Crossing (80) - C. Gerundio 12, Gripo 10, Martin 8, J. Gerundio 8, Tauy 6, Sanchez 6, Ronald 6, Casinillo 6

Ikaduhang duwa:

Riverside (95) - Valle 14, Cejas 13, T. Semblante 11, Densing 10, Licen 10, R. Semblante 7, Mindajao 6, Zabala 5, Cabahug 5, Comon 5, J. Semblante 4

Villa Con (78) - Junix 18, Ermac 12, Pipo 12, Abinales 12, Jansen 6, Vence 4, Edmund 4, Soreño 3. - BANAT NEWS