Australian eskrima team andam na modepensa

CEBU, Philippines - Malaumon ang Australian eskrima team nga molampos sila pagdepensa sa ilang korona sa 2009 World Eskrima-Arnis Championships karong Abril 24-26 diha sa City Sports Club-Cebu sa Cebu Business Park.

Mao kini ang panaad ni Grand Master Christopher Nasilowksi, ang chief instructor sa Millenium School of Martial Arts nga nahimutang sa Athol Park, South Australia.

Matud pa ni Nasilowksi nga daghang mga martial arts clubs sa Australia ang mosalmot ning tulo ka adlaw nga kompetisyon nga naglakip ni Grand Master Vince Palumbo sa Adelaide, Australia nga gikatakdang moabot ugma aron magbansay-bansay sa Cacoy Doce Pares World Federation Club.

Si Nasilowski, kinsa maoy sayo nga niabot nagdala og duha ka banggiitang tinun-an gikan sa Poland, apan modala kini sa nasud sa Australia. Sila   mao si heavyweight prospect Mirek Osytek ug Jan Nycek mid-heavyweight contender Jan Nycek.

Laing tinun-an ni Nasilowski nga si Rondall Rasig, kinsa moapil og world tournament sa labing unang higayon mopakita sa iyang abilidad sa single olisi,

double olisi ug sa kata categories.

 Uban pang mga Australians ug lain pang mga delegado gikan sa Indonesia ug New Zealand ang gikatakdang mangabot ugma, samtang ang uban pang mga partisipanteng koponan moabot sa bisperas sa torneyo.   (BANAT NEWS)