NSBC sa Butuan

CEBU, Philippines - Ang regional director sa Basketball Association of the Philippines (BAP)-Region 7 nga si Lorenzo 'Chao' Sy, ang tag-iya sa La Fortuna Bakery ug sa Hotel Fortuna, mipahibalo kanato nga tulo ka teams gikan sa Sugbu ang mosalmot sa tinuig nga National Students Basketball Championships didto sa dakbayan sa Butuan sa Agusan del Norte.

 Ang ika-63rd nga NSBC sugdan unta karong Abril 13 ngadto sa 19 apan si Sy mitug-an sa SPORTSgab nga gi-uswag ang maong torneyo ngadto sa Abril 20-28 tungod kay ang binyu nga Urios College gym gi-usban pa og pentura aron mabag-ong tan-awon ug angayan mo-host og usa ka torneyo nga national in scope.

Tungod kay ang Southwestern University (SWU) Cobras man maoy defending champion sa miaging tuig nga NSBC dinhi sa Sugbu, automatic sila nga makakuha og luna aron makadepensa sa ilang korona.

Ang runner-up sa miaging tuig nga University of the Visayas (UV) Green Lancers dili modayon og larga sa Butuan, kay matud pa ni Sy mibalidad ang Lancers gumikan kay medyo huyang ang ilang grupo kun dili makaduwa ang 6-foot-11 nga si Gregory Slaughter, kinsa ilang gipahuwaman ngadto sa RP Team. Busa, matud pa ni Sy, iyang imbitahon ang University of San Jose- Recoletos (USJ-R) Jaguars ug ang ikatulong iyang gikursonadahan mao ang University of Cebu (UC) Webmasters aron hatagan og higayon ang ilang 6-foot-9 center nga si June Mar Fajardo pagpakita sa iyang abilidad atol sa nasudnong torneyo sa basketbol.

Sa kasamtangan, wala pa kita makadawat og listahan sa tanang team nga mosalmot sa NSBC didto sa Butuan nga gipaluyohan ni Kongresista Prospero 'Butch' Pichay uban sa pakigtambayayong sa mga inilang politiko nga sila si Agusan del Norte Gov. Erlpe John M. Amante ug Butuan City Mayor Democrito 'Boy Daku' Plaza II.

* * *

Niadtong Marso 31, milampos gyud ang Hotel Fortuna/SWU Cobras pagsakmit sa korona sa CESAFI Partner's Cup pinaagi sa pagpukan sa Enervon-C/UC Webmasters sa Game-4 sa ilang best-of-five championship series sa iskor, 88-71 sa Cebu Coliseum.

Gipahigayon sab dayon ang yanong awarding ceremony ug ang tanang nagpaluyo sa Partner's Cup pulos nakadawat og mga plaques of recognition gikan sa mga tigpasiugda sa maong liga nga sila si commissioner Ramon 'El Presidente' Fernandez, Atty. Baldomero C. Estenzo ug Felix O. Tiukinhoy, Jr. nga nagrepresentar sa CESAFI.

 Ang walo ka mga major sponsors sa CESAFI Partner's Cup mao ang Hotel Fortuna nga misagop sa SWU Cobras, ang Enervon-C/UC Webmasters, Ave Maria Sanctuary and Park/USJ-R Jaguars, Prime Asia Pawnshop/UV Lancers, Aerosol/USC Warriors, CDO Idol/USPF Panthers, R. Lapid's Chicharon/DBTC Greywolves ug ang Virginia Foods/CIT Wildcats.

Atong saludo sa mga nagdumala sa maong torneyo nga hapsay kaayo bisan pa man sa init nga engkwentro tali sa SWU ug UC atol sa finals diin gitapos sa Cobras ang serye sa 3-1. Mao kadto ang labing unang kampiyonato sa Cobras sa usa ka liga nga gipaluyohan sa CESAFI tungod kay sa regular season, wala pay nakapakgang sa pagmangtas sa Lancers, kinsa maoy nidominar sulod sa walo na ka tuig.

* * *

SG. My American friend Bruce Cunningham who is temporarily staying in San Francisco, Camotes island said he has to go on with his plans of having a Camotes High School Basketball League (CHSBL) and the shortest route of having this realized is to let the Sangguniang Kabataan (SK) leaders be involved. He is also planning to hold basketball clinics in Camotes to be conducted by SWU point guard Eliud Poligrates who hails from barangay Mercedes, Poro, Camotes. Dude, you a rare breed. The political and sports leaders in Camotes don't have this kind of idea. That's a big insult to them to have an American stranger like you to initiate such project because they are not concerned of the people there.