CIIB miilog liderato sa LAYA 1st Ritchie Cup

CEBU - Gisakmit og balik sa Criminal Intelligence and Investigation Bureau (CIIB) ang liderato sa Labangon Youth Association (LAYA) 1st Ritchie Cup human ilang gibihag ang Trisha & Tracy, 112-103 didto sa Labangon Sports Complex.

Ang kadaugan naghatod sa CIIB balik ngadto sa ibabaw sa liderato nga adunay 4-1 nga baraha.

Si Joseph Bugtai mipabuto og 46 puntos alang sa CIIB.

Si Jade Abella, kinsa mi-iskor og 44 puntos maoy nangulo sa Trisha & Tracy nga adunay 3-3 nga baraha uban sa Green, Maroon ug Black.

Ang Maroon mikulit sab og 3-3 nga baraha human ilang gipukan ang Black, 71-64 niadtong Sabado. Si Kikoy Maucesa maoy nangu sa Maroon sa iyang 21 puntos. Si Bern Ylanan, manghod ni CIIB chief police Supt. George Ylanan maoy nangu sa Black sa iyang 23 puntos ug si Nelson Luague mitampo og 18 puntos.

PUNTOS MATAG USA

Unang duwa:

Maroon (71) -- Maucesa 21, Marzon 14, Bacalla 12, Parilla 12, Barcenilla 10, Saceda 3

Black (64) -- Ylanan 23, Luague 18, Enriquez 12, Trinidad 6, Banglus 4, Gomez 1

Ikaduhang duwa:

CIIB (112) -- Bugtai 46, Veloso 28, Ybanez 18, Andong 9, Mendarus 8, Maucesa 7, Plasus 2

Trisha & Tracy (103) -- Abella 44, Nemeno 20, Jabines 10, Cajigas 9, Dayondon 7, Dadang 4, Zapanata 3   (BANAT NEWS)