Cebu Movers System wa pay pilde sa GAA Founder's Cup

CEBU - Nagmangtas si Inting Reyes kinsa mibugha og 36 points aron pangulohan ang Cebu Movers System pagposte og 87-78 nga kadaugan batok sa Aqua Serv   nga Guadalupe Athletic Association (GAA) Founder’s Cup niadtong Domingo didto sa Guadalupe Sports Complex.

Sa ilang 4-0 nga baraha, ang Cebu Movers ni playing coach Boy Te nagkinahanglan na lang og tulo ka daog alang sa laing complete sweep ug ingon man pagbaton og twice-to-beat incentive sa sunod nga round. Sa miaging tuig, ang Cebu Movers nidaog sa kampiyonato nga nagbitbit og 10-0 record.

Si coach Te kinsa nakahakot og upat ka kampiyonato sa miaging tuig, wala pa makatilaw og pilde sa 21 ka mga duwa isip chief tacticians sa Cebu Movers.

Ang Aqua Serv kinsa karon pa nakatilaw og pilde sa upat ka duwa, gipangulohan ni Jeffrey Diola pinaagi sa iyang 22 puntos.

Sa laing mga duwa, ang McMill midaog batok sa Swan, 65-53, ang Pecus Stallions milubong sa Team Mellow, 92-68 ug gilubong sab sa Ram Boys ang G&S International, sa iskor nga 71-50.

Ang Pecus Stallions mao lang ang bugtong team nga wala makatilaw og pilde sa upat ka duwa sa ilang bracket.

PUNTOS MATAG USA

Cebu Movers (87) - Reyes 36, Alquizola 12, Gonzales 10, Labra 9, Ancot 6, Elizalde 6, Leyson 4. Suzara 2. Ladonia 2

Aqua Serv (78) - Diola 22, Minoza 18, Delda 12, Mitante 10, Dabon 7, Yap 5, Flores 2, Aninon 2 (BANAT NEWS)