Tiger Woods no. 1 golfer sa 2008

CEBU - Sa listahan sa Professional Golfers Association (PGA), walay laing napiling numero uno nga golfer sa tibuok kalibotan kung dili si Tiger Woods nga tua magpuyo sa Cypress, California, USA.

Si Woods kinsa nahimong professional golfer kaniadtong tuig 1996, maoy pinaka-adunahang golfer sa tibuok kalibotan kinsang salapi nga nahakot mokabat na’g kapin 94 milyones dolyares. Ang iyang kita o earnings $94,672,901.

Gawas nga aduna siya’y kaugalingon yati o “yatch”, aduna sab siya’y mansion.

Ang iyang kita sa tuig 2008 mokabat og $5,775.00.

Sa alphabetical listing sa PGA, duha lang sulod sa gatosan ka mga pro golfers ang nag-inusara sa matag letra diin nahimutang ang ilang apelyido ug sila mao si Omar Uresti ug si Fuzzy Zoeller.

Si Uresti lang ang golfer nga nag-una og letrang U ug si Zoelller sab ang bugtong golfer nga nag-una og letrang Z. Si Uresti nagpuyo sa Austin, Texas ug nahimong professional kaniadtong tuig 1991, mas una og lima ka tuig kay ni Woods.

Ang kita ni Uresti mokabat lang og kapin sa kuwatro milyones samtang si Zoeller nagpuyo sa Albany, New York ug nahimong professional kaniadto pang 1973 apan ang iyang kita mokabat lang og kapin sa napulo ka milyon dolyares. (Gabby G. Malagar) (BANAT NEWS)