Donaire, Peñalosa magdungan og ensayo

CEBU - Mulupad paingon sa Baguio City ang duha ka Pinoy boxing champ nga sila si Gerry Peñalosa ug Nonito Donaire aron mangandam sa ilang tagsa-tagsa ka mga sangka karong Marso 15 didto sa Araneta Coliseum.

Ang IBF/IBO flyweight champion nga si Donaire kinsa nagpadako karon sa iyang timbang aron sangkaon  si WBO super flyweight champion Fernando Montiel.

Samtang si WBO bantamweight champion Gerry Peñalosa magsugod na usab sa wala’y puas niyang ensayo aron pangandaman ang iyang challenger.Si Peñalosa moatubang sa mandatory title challenger ug WBA flyweight champion Eric Morel.

Si Donaire mitug-an sa www.insidesports.ph nga mas nauyunan nila ang Baguio nga venue sa ilang pag-ensayo tungod mingaw og bukirun ang maong lugar nga makatabang sa ilang konsentrasyon sa praktis.

“We are leaving on January 4 with Gerry and the whole crew.  It’s quiet, there is nobody around or people inviting me to go here and there. The privacy and the altitude is going to help me a lot,” matud ni Donaire.

Sa laing bahin, si well-known boxing writer Mark Vester sa Boxingscene.com mipasidaan ni Donaire mahitungod ni Montiel isip usa ka delikadong kontra. (Arnie P. Atuel) (BANAT NEWS)