Hapee-Online, CIIB nikulit og daog

Gipukan sa Hapee-Online Basketball Training ang the MSEI Calamba Selection sa iskor nga 86-68 sa 25-below category sa nagkainit nga Hapee-Online X-Mas League Merota Cup didto sa Sitio Kawayan Gym, Brgy. Sambag II.

Ang Hapee-Online gipangulohan sa 14-anyos nga gwardiya nga si Mark Jayven Tallo ug Brederick Brigoli nga nikumboya og 44 puntos aron ituboy ang ilang koponan sa kadaugan.

Sa 35-above division, Si Senior Inspector George Ylanan maoy nangulo sa CIIB alang sa 113-111 nga kadaugan batok sa Barkadahan nga gilangkuban ni acting Cebu City Mayor Mike Rama.

Ang Barkadahan cagers maoy nidominar sa sayung bahin sa duwa apan gipakuratan kini sa CIIB sa final period aron ilogon ang daog.

Ang CIIB Detectives nga sila si Joseph Bugtai, Roy Veloso ug Cesar Pandung maoy nibahug aron masakmit ang 11 puntos nga labaw, apan si Rene Toring, Tata Llaguno ug Rama misumbalik og puntos aron tablahon ang iskor 111-all.

Ang duha ka free-throws ni Roy Veloso maoy nikandado sa daog sa CIIB.

Puntos matag usa:

First game:

Hapee-Online (86) - Brigoli 24 , M. Tallo 20, Getalla 12, I Cutamora 9, Onting 9, Figuracion 9, J. Tallo 5, Tijam 4

MSEI Calamba (68) - Panerio 23, Comedero 11, Ramil 5, Calum 4, Topas 1

Second game:

CIIB (113) - Bugtai 34, Veloso 29, Pandong 19, Abatayo 8, Dignos 7, Aldometa 6, Ysores 4, Ylanan 4, Quita 2

Barkadahan (111) - Toring 34, Llaguno 19, Rama 18, Fajardo 15, Tallo 10, Nemeño 6 (Lemuel P. Maglinte)