Nutri-C-Ateneo, Ever Bilena tangka ang finals sa WPBL

Tangka ng top favorites Nutri-C-Ateneo at Ever Bile-na na isaayos ang kanilang hinihintay na title showdown sa kanilang pakikipagharap sa magkahiwalay na kala-ban sa Final Four ng Wo-men’s Philippine Basketball League ngayon sa Lyceum gym.

Sasagupain ng Ever Bilena, nangailangan ng ex-tra period para sibakin ang Sunkist-La Salle, 86-77, ang Oracle Residences-Far Eastern University sa alas-2:00 ng hapon habang haharapin naman ng Nutri-C-Ateneo ang mapanganib na Smart Buddy-University of the Philippines sa alas-4:00.

Muntik nang masilat ang Gandang Pinay, na-nguna sa Group B elims, ng Lady Archers ngunit umis-kor si Elaine Orillana ng seven points sa extra five minutes upang igupo ang RFM-backed squad.

Mangunguna sa Lady Eagles sina RP team star Cassy Tioseco, Maria Lopa at Jessamine delos Reyes na umiskor ng double fi-gures sa kanilang 54-45 panalo sa Mail And More.