White nakaikyas sa Pink

CEBU – Ang White Team nga gipaluyohan sa AC Sports ni Archie Baba mi-iskor og kulbahinam nga kadaugan batok sa Pink team nga gipaluyohan sa Triple-A All Star, 72-71 sa Triple-A Inter-Color Second Conference basketball tournament didto sa Kimwa gym sa Mandaue City.

Miposte dayon ang Triple A og 12 puntos nga labaw sa unang kuwarter 27-15 luyo sa kainit ni Tany 'El Presidente' Agbay, kinsa mipuntos og 20.

Hinuon, daling nakabangon ang AC Sports pagsugod sa second period pinaagi sa hugot nga depensa nilang Rico Ganda ug Jovy Taborada. 

Sila si Gersam Armamento ug Ajie Quijano mitabang pag-usab sa dagan sa duwa aron langkaton ang ilang ikatulong daog. Sila si Armamento ug Quijano maoy nangulo sa kadaugan pinaagi sa pagposte og 15 puntos matag usa.

PUNTOS MATAG USA

White-AC Sports (72) - Armamento 15, Quijano 15, Cruz 10, Dela Torre 7, Villanil 6, Baba 4, Ganda 4, Taborada 4, Baunsit 4, Martinitio 3