Nabangog kontra sa Arthro, Diabet

CEBU - Managsuong koponan -- Arthro ‘95 ug Diabet ‘94 mipasarasay sa ilang tagsa-tagsa ka kaatbang sa nagpadayong aksiyon sa 2008 University of San Carlos Boys High Alumni Basketball Association (USCBHABA) Atan Guardo Barkadahan Cup didto sa USC-North campus gym.

Ang Arthro ‘95 mihimo og mapintas nga pangatake sa katapusang kuwarter aron pagpukan sa AWC ‘91 sa iskor nga 78-67, samtang ang ilang igsuong koponan Diabet ‘94 ni team manager ug barangay Tisa councilor Jeson L. Guardo nakabawi sa nagkamang nila nga duwa sa first half pinaagi sa pagpabuhagay sa ilang init nga opensiba sa third quarter aron ilubong ang Fabio Salsa ‘92 sa iskor nga 89-76.

Gidominar sa Arthro ‘95 ang unang tulo ka kuwarter, apan ang AWC ‘92 mi-rally aron pag-ilog sa labaw, 52-51 sa katapusang 10 minutos sa duwa.

Hinuon, ang Arthro ‘95 milusad og 27-12 run aron pagseguro sa ilang kadaugan.

Sa laing bahin, ang Diabet ‘94 nabitin og uno punto sa halftime, 38-39, apan kalit kining nanginit sa sunod nga kuwarter pinaagi sa pagpatuman og 31-19 nga rally aron pagposte og 11 puntos nga bentaha ug wala na kini molingi pa gikan

niadto.

Ang 2008 USCBHABA season gipaluyohan sab sa Uniherb Philippines, usa sa nag-unang health companies sa nasud nga tiggama sa nabantog na kaayong food supplements sama sa Arthro, Heartvit, Kidneycare ug Diabet.

Puntos Matag Usa

Unang duwa:

Arthro ’95 (78) - Tecson 22, Caparas 14, Mata 13, Solon 9, Cabuthan 8, Del Rosario 6, Cenas 4, Mancao 2

AWC '91 (67) - Alonte 21, Jacobe 17, Arong 13, Lumapak 4, Alcudente 4, Elimino 3, Abelgas 2, Concepcion 2, Batidor 1

Ikaduhang duwa:

DIABET (89) - Cabrera 21, Lu 17, Medija 12, Seno 10, Canares 10, Velayo 6, Arnoco 5, Jabonero 4, Manapsal 2

Fabio Salsa (76) - De Leon 26, Laya 15, Olvido 9, Del Rosario 8, Alcover 8, Alo 4, Campos 4, Ang 2. – BANAT NEWS