Moalboal mo-host sa Cluster 2-B team sa GUV Cup

CEBU - Turno na karon sa cluster 2-B teams aron mopakita sa ilang katakus sa pagpadayon sa Cluster 2 action sa 4th Governor Gwen Garcia Unity Volleyball (GUV) Cup For Women karong adlawa sa Moalboal.

Sama sa cluster 2-A, cluster 2-B adunay unom ka teams nga gipangulohan sa cluster 2 defending champion Badian. Ang uban mao ang Alegria, Moalboal, Alcantara, Ronda ug Dumanjug.

Walo ka mga duwa ang gitakda karon ug ugma.

Magsangka karong adlawa mao ang Badian vs. Ronda, Moalboal vs. Dumanjug ug Alcantara vs. Alegria.

Sa hapon mao ang Dumanjug vs. Moalboal ug Ronda vs. Alegria, Moalboal vs. Alcantara, Badian vs. Dumanjug ug Alegria vs. Alcantara.

Ang top team moharong sa cluster 2-A champion Boljoon alang sa cluster 2 title. - BANAT NEWS